Ons Liefdesverhaal

Dit het alles begin by 'n eenvoudige Facebook messenger boodskap:

Pixie - 30/6/23 15h12
Hi Kayla,
Dankie vir die aanvaar. Nou het jy 2 boere in die USA wat met jou chat.

Kayla - 30/6/23 15h51
Hi Jeandre
Dankie vir die uitnodiging. Ek dink amper dat die meeste goeie mans is nie meer in SA nie om eerlik te wees. Maar van die os op die jas,ekt net vandag vir Carla gese ek dink amper nie dai boer is heeltemal waarna ek opsoek is nie.
------------------

Carla was natuurlik die instigator, syt vir Pixie n boodskap gestuur terwyl hy in Amerika gewerk het en hom aangeraai om vir my n boodskap te stuur. Wat presies sy gese het om hom te oorreed, weet ek nie maar sy boodskap het dit tot in my inbox gemaak en die gesels het net nooit opgeraak nie.

Ons het 5 maande oor Whatsapp smollies gemaak voor ek hom die eerste keer ontmoet het in die Kaap. Ons het oor en weer gevlieg om soveel moontlik te maak van die 3 maande wat hy in SA was voor hy weer moet terug VSA toe vir nog n seisoen.

Dit was waarskynlik die moeilikste 9 maande sonder mekaar en Pixie het besluit om terug te kom huis toe vir goed sodat ons net ONS kon wees. Intussen het ons al vele avonture saam gehad, soveel plekke gesien, dinge gedoen en onder andere al 4 keer verhuis. Almal se altyd as jy saam kan trek dan kan jy trou, so hier is ons nou. Alhoewel ek nie my sin gekry het en op n zebra se rug gevra is om te trou nie, was dit deur en deur ons vibe. Kamp teen n rivier, te veel kreef gebraai, die honde was daar en (weereens) was Carla betrokke.

En nou is ons hier… hier is op die begin van die res van ons lewens.